پاکستان کرکٹ بورڈ نے وسیم خان کے بعد نئے چیف ایگزیکٹو کی تلاش شروع کر دی، عہدے کی معیاد کتنے سال رکھی گئی ہے؟ جانئے

Ramiz Raja elected as PCB chairman

پاکستان کرکٹ بورڈ (پی سی بی) نے چیف ایگزیکٹو کی تلاش شروع کر دی ہے۔ اس عہدے کی مدت ملازمت پی سی بی کی جانب سے ابتدائی طور پر 3سال کی رکھی گئی ہے۔ وسیم خان کے مستعفی ہونے کے بعد سے چیف ایگزیکٹو آفیسر کا عہدہ خالی ہے۔

مقامی اخبار روزنامہ جنگ کے مطابق پی سی بی کے مطابق چیف ایگزیکٹو آفیسر کے عہدے کے خواہش مند اور معیار پر پورا اترنے والے امیدوار 27 اکتوبر تک درخواستیں جمع کرا سکتے ہیں۔اس سے قبل پی سی بی نے چیف آپریٹنگ آفیسر(سی او او) سلمان نصیر کو قائم مقام چیف ایگزیکٹو آفیسر مقرر کیا ہوا ہے ۔

ذرائع کا کہنا ہے کہ پی سی بی چیئرمین رمیز راجہ نے اب لو پروفائل اور کم مراعات کے ساتھ سی ای او لانے کا منصوبہ بنایا ہے۔رمیز راجہ کے دور میں سی ای او بہت بااختیار بھی نہیں ہوں گے ،تاہم آئینی ضرورت کی وجہ سے سی ای او کی تقرری لازمی ہے۔

واضح رہے کہ مستعفی ہونے والے چیف ایگزیکٹو آفیسر وسیم خان کے عہدے کی مدت فروری 2022 ء میں ختم ہونا تھا لیکن چیئرمین رمیز راجہ اور ان کے درمیان اختیارات کی وجہ سے اختلافات پیدا ہوئے۔وسیم خان نے اختیارات میں کمی کا دیکھتے ہوئے مدت پوری ختم ہونے سے پہلے ہی استعفیٰ دے دیا۔

یہ بھی واضح رہے کہ وسیم خان کو انگلینڈ کرکٹ بورڈ میں عہدہ ملنے کی پیش کش کی جاچکی ہے۔

Leave a Reply

Your email address will not be published. Required fields are marked *